GENERAL SANTOS CITY – Daan nang gi-ban ang hazing dinhi sa nasud, base sa Anti-Hazing Law.
Kini ang gibutyag ni Atty Teodoro Sales, inilang abugado sa dakbayan.
May kalabutan kini sa pagkamatay sa UST law student nga si Horacio Castillo III tungod sa hazing. Matud ni Atty Sales, may silot matud pa nga ReclusiΓ³n perpetua kon life imprisonment ang mga mapamatud-an nga may direktang kalambigitan sa nahitabo nga hazing, lakip ang tag-iya sa lugar kung asa kadto gipahigayon.
Sumala pa nga mamatay man o dili ang biktima, mahimo nang makasuhan mga direktang mipartisipar.
Hinungdan nga alang kang Atty Sales, kon mapamatud-an nga nalambigit gayud sa pagbunal ug pagkamatay ni Castillo ang mga gitudlong suspek, angayan gayud nga masilutan ang mga nasampit, hilabi na nga dili malimod nga nasayod usab sila sa balaod isip mga abugado.
Apan tambag sa nasampit nga abugado nga angayang undangon na gayud sa mga fraternities ang pagpahigayon ug hazing nga nahimo na nilang tradisyon, hilabi na ang pisikal nga pagpasakit atul sa initiation rites.
Apan tungod daghan gihapon matud pa ang padayong gapahigayon ug hazing, angayan na matud pang mupanday ang mga magbabalaod ug laing balaod aron mapugngan na ang sa ingon.
Ug kalabot sa mga initiation ceremony, mas maayo matud pang mututok na lang sa psychological nga pamaagi inay nga pisikal.
