Gipabalhin ngadto sa Septiyembre 29 ug 30 ang pag-atubang ni Davao City Mayor Sebastian “Baste” Duterte sa Senate Impeachment Court, imbes nga karong Lunes, Septiyembre 28.
Gipaboran ni Presiding Officer Francis “Chiz” Escudero ang hangyo ni Mayor Baste nga ipalangan ang iyang pag-atubang aron makapangandam pa sa mga dokumentong gikinahanglan ubos sa iyang subpoena.
Sa iyang sulat, mipasabut si Duterte nga nanginahanglan pa siya og dugang panahon aron makatigom ug makakopya sa mga dokumentong gilista sa subpoena.
Matod ni Escudero, ang bag-ong petsa nga Septiyembre 29 ug 30 gilakip na sa unang subpoena nga gipagawas sa korte, busa dili na kinahanglan nga magpagawas pa og bag-ong subpoena.
Ang pag-usab sa schedule nahitabo samtang gihisgutan sa impeachment court ang Article II sa Articles of Impeachment batok kang Vice President Sara Duterte, may kalabotan sa giingong unexplained wealth, sayop nga SALN ug padayong interes sa negosyo
