GENERAL SANTOS CITY – Gipaklaro ni City Administrator Atty. Jeng Gacal, nga may ikatabang ang Konseho ning syudad sa hisgutan nga deskwento sa bayrunon sa paglukat ug driver’s license ug uban nga bayrunon .
Kalabutan kini sa hangyo ni TEU head Major Oliver Pauya sa LTO 12 Director nga paubsan ang mga bayrunon sa paglukat ug driver license tungod kasagaran sa mga violators wala kalukat sa ilang mga lisensya tungod giuna ang pagpalit ug bugas kumpara sa pagbayad sa importante nga papeles.
Dugang pa ni Atty. Gacal nga tan-awon nila ang posibilidad nga hangyuon ang Sangguniang Panlungsod nga mapamub-an ang presyo sa pagkuha ug paglukat sa maong lisensya.
Nasuta nga dinhi sa syudad daghan ang mga nagamaneho ug motor, trasysikel ug mga sakyanan nga walay lisensya.
Namatikdan usab nga kung adunay checkpoint daghan ang manghunong sa dalan timaan nga kulang ang lisensya ug rehistro sa sakyanan.
