Gitun-an karon sa kampo sa Hamas ang plano sa Amerika alang sa usa ka ceasfire sa Gaza.
Kini nahitabo bisan sa wala pa ang usa ka taas nga opisyal sa Hamas miingon nga ang plano sa US nga matubag ang ilang mga nag-unang gipangayo napakyas.
Ang White House kaniadto nagpahibalo nga ang Israel mipirma sa plano nga gilatid sa Espesyal nga Envoy sa Estados Unidos sa Middle East nga si Steve Witkoff ug karon naghulat sa usa ka pormal nga tubag gikan sa Hamas.
Sumala sa mga opisyal sa Israel, gilauman nga ubos sa usa ka 60 ka adlaw nga hunong-buto, ang Hamas motugyan sa 10 ka buhing mga bihag ug ang mga salin sa 18 ka namatay nga mga bihag sa duha ka hugna sa usa ka prisoner swap ug ang pagpagawas sa mga binilanggo sa Palestinian gikan sa mga prisohan sa Israel.
Kahinumduman nga ang Israel mipatuman og total blockade sa Gaza ug mibalik sa opensiba sa militar niadtong Marso 18 human naputol ang 2 ka buwan nga hunong-buto nga gihimo sa America, Qatar, ug Egypt.
Sa pagkakaron, sumala sa ministeryo sa panglawas nga gipadagan sa Hamas, hapit 4,000 ka mga tawo ang napatay sa Gaza sa miaging 10 ka semana.
