Dul-an 75 million American voters ang misalmot sa early voting una pa man ang eleksyon ugma, Nobyembre 5, oras sa Amerika.
Matod kang Philippine Ambassador to the US Jose Manuel Romualdez, kini ang unang higayon sa kasaysayan sa Amerika nga susama kadaghan ang mga miboto og sayo.
Pag-abot sa Filipino-American community, gibutyag ni Amb. Romualdez nga tunga ang mga nasampit sa pagpili tali nilang kanhi US Pres. Donald Trump og VP Kamala Harris.
Sa iyang pamahayag, nakaistorya niya ang pipila sa mga Fil-Ams partikular na sa Cleveland, Ohio og kadaghanan kanila ang Democrats apan adunay mga gasuporta usab kang Trump.
Daghan usab ang mga Democrats sa uban pang estado sa Amerika sa northeast sama sa Virginia, New Jersey, og Massachusetts apan daghan usab nga supporters ang kanhi US Pres.
Gibutyag pa ni Amb. Romualdez nga gikonsiderang critical og hugot ang piniliay karong tuiga sa Amerika.
