Gipahibalo sa mga otoridad ang kahimtang sa pagbaha sa pipila ka dagkong dalan sa Metro Manila tungod sa padayong pag-ulan sa rehiyon.
Sa Valenzuela City, natala ang pagbaha sa MacArthur Highway atubangan sa Goodyear ug Toyota nga ubos pa sa pantay-guter, hinungdan nga padayon pa kining maagian sa tanang klase sa sakyanan.
Sa Mandaluyong City, miabot sa pantay-guter hangtod tunga sa tuhod ang baha sa Boni Avenue, eskina sa F. Ortigas Street, apan maagian pa gihapon kini sa tanang klase sa sakyanan.
Sa Parañaque City, pantay-guter hangtod tunga sa tuhod ang tubig sa Dr. A. Santos Avenue, eskina sa Canaynay Avenue, ug atubangan sa Olivarez School, nga parehas pa gihapon maagian sa tanang sakyanan.
Apan dili na maagian sa mga light vehicles o gagmay nga sakyanan ang bahin sa Dr. A. Santos Avenue atubangan sa SM Sucat tungod sa baha nga miabot gikan sa tunga sa tuhod hangtod tuhod ang giladmon.
Dili usab maagian sa mga light vehicles ang Barangay Zapote o Zapote Junction sa Las Piñas City tungod sa baha nga hangtod tuhod ang giladmon.
Sa Lungsod sa Maynila, natala ang pantay-guter hangtod tunga sa tuhod nga baha sa northbound lane sa Taft Avenue, eskina sa Quirino Avenue.
Samtang sa Malabon City, maagian pa sa tanang klase sa sakyanan ang F. Sevilla Boulevard, Gov. Pascual Avenue ug M.H. Del Pilar Street bisan pa og adunay baha nga gikan sa tunga sa guter hangtod pantay-guter.
Samantala, mihubas na ang baha wala pa mag-alas-nuwebe baynte sa buntag sa Quezon Avenue Araneta Tunnel Westbound sa Quezon City human mikunhod ngadto sa pantay-guter hangtod tunga sa tuhod ang tubig, busa luwas na kining maagian sa tanang klase sa sakyanan.
