Nagpahinumdum ang Department of Health o DOH sa publiko batok sa posibleng pagsaka sa mga kaso sa leptospirosis tungod sa padayong pag-ulan ug pagbaha sa daghang lugar sa nasud.
Matud sa DOH, mas dako ang risgo sa impeksyon alang sa mga tawo nga nalusong o sa tubig-baha.
Ang leptospirosis usa ka bacterial infection nga kasagarang makuha pinaagi sa pagkontak sa tubig-baha o lapok nga nahugawan sa ihi sa mga hayop, ilabina sa mga ilaga.
Gipahinumdoman sa DOH ang mga nakalusong sa baha nga magpakonsulta dayon sa doktor bisan wala pay samad o sintomas.
Lakip sa mga sintomas nga angay bantayan ang hilanat, sakit sa kaunoran, labad sa ulo, pamula sa mata ug pagkadilaw sa panit o mata.
Gipasidan-an usab ang publiko nga dili basta-basta moinom og antibiotic o ubang tambal kung walay tambag gikan sa health professional.
