GENSAN- Gisiguro sa GSCPO andam kalabotan sa ipatumang seguridad sa umaabot nga Semana Santa.
Matud ni City Director PCol. Nicomedes P. Olaivar Jr. adunay komprehensibong mga lakang sa seguridad ang ipatuman sa mga kapulisan aron masiguro ang kaluwasan sa publiko, partikular sa mga lugar nga gilauman nga makasinati sa daghang pagdagsa sa mga tawo, sama sa mga simbahan, transport terminals, ug uban pang mga pampublikong lugar.
Gihatagan ni PCol. Olaivar og gibug-aton ang pagdeploy og dugang nga police personnel, koordinasyon sa local government units ug uban pang security forces, ingon man ang pagpaaktibo sa checkpoints ug patrols aron malikayan ang bisan unsang dili maayong insidente.
Gipahinumdoman usab sa mga awtoridad ang publiko nga magpabiling mabinantayon, sundon ang mga protocol sa seguridad, ug i-report ang bisan unsang kadudahang kalihokan sa mga ahensya nga nagpatuman sa balaod aron matabangan ang pagpadayon sa malinawon ug hapsay nga pag-obserbar sa Semana Santa.
