GENERAL SANTOS CITY – Naglibog ang mga namaligya sa palengke kung asa sila ibutang sa syudad kung ihinayon gayud ang pag construct ug bag-ong palengke pinaagi sa Public private partnership program.
Kini ang pangutana sa nagpangalan ug Flor Licayan usa sa nagrenta ug pwesto sa merkado ning syudad kung unsa na lang ang ilang dangatan tungod diha sa palengke sila nagsalig sa ilang panginabuhi-an.
Gani giusaysay niini ang balita nga magpahigayon ug usa ka adlaw nga lock down karong lunes aron tan-awon matud pa sa negosyante ang mga pwesto sa lugar.
Sa mao usab nga adlaw mudangop matud pa ang mga nanag-iya ug pwesto sa City Hall aron estoryahon si Mayor Lorelie Pacquiao luyo nga uban kanila nadawat na ang sitwasyon tungod nasabtan nga karaan ug delikado na ang duha ka gambalay tungod dugay na kini nga gigamit.
Kahinumduman nga una ng miadto sa Mayor ning syudad ang grupo sa Marano vendors aron magpatabang sa Mayor.
