GENERAL SANTOS CITY – Nagsugod na kagahapon ang grand week celebration sa Digital Kalilangan 2021 nga matigayon hangtud sa Pebrero 27, 2021.
Kagabii dihang gipahigayon ang digital opening ceremony sa kasaulogan. Nasayran nga matag gabii may matigayong online concert sulod sa unom ka kagabii.
Gawas niini nagsugod na usab ang 2021 Trade Fair and Exhibit nga kabahin sa suporta sa lokal nga gobyerno GenSan sa gagmay nga mga negosyante sa dakbayan.
Sa maong trade fair and exhibit makit-an og pwede mapalit ang mga lamian og baratong mga pagkaon og mga laing mga produkto nga gigama sa syudad.
Apil sa exhibit ang Lbung o handmade blouses nga gihimo sa mga Blaan. Katambayayong sa maong proyekto ang Small and Medium Enterprise Development Council, Inc.
Samtang ang Office of City Agriculturist ang magpahigayon usab og usa ka semana nga Agri-Fair isip kabahin sa Kalilangan 2021 nga ipakita ang agriculture and Fisheries products sa 26 ka barangay sa dakbayan.
Pipila sa mga aktibidad ang Bangkalilangan alang sa siyam ka coastal barangays, Farmer/Fisher Famiply Tiktok Dance contest, Online Trivia Questions, Pinakamalaking Bulad Contest alang sa siyam ka coastal barangays og Photo contest .
Sa Pebrero 27 matigayon ang wreath laying ceremony nga ipahigayon sa Plaza ng Heneral Santos alayon sa ika-82 founding anniversary sa GenSan sa pag-abot sa grupo ni Gen. Paulino Santos sa dakbayan kaniadto.
Ang tema sa Kalilangan 2021 mao ang Kulturang Nagkakaisa laban sa pandemnya.
Kini ang ikaduhang higayon nga digital ang Kalilangan gumikan sa pandemya.
