GENERAL SANTOS CITY – Nailhan na ang patay nga lawas sa lalaki nga nakaplagan sa sagbutang bahin sa Prk New Mabuhay, Brgy Mabuhay ning syudad.
Kini human nga midangop amahan sa maong biktima og giangkon nga iyahang anak ang biktima nga giila niini nga si Arnel Pagaran nga taga Tupi South Cotabato.
Kini base usab sa impormasyon nga gipadangat sa Bombo Radyo gikan sa imbestigador sa kaso. Hangtud karon blangko pa ang kapulisan kung unsa ang motibo og kinsa ang mipatay sa biktima nga una na nga gituohang usa ka salvage victim.
Kahinumduman, niadtong Lunes sa hapon dihang nakit-an ang biktima kung asa nakagapos ang kamot og baga nga tape lakip ang tiil niini samtang adunay tabon ang mata og gibusalan pa ang baba.
Sa pagsusi sa kapulisan, nakit-an nga adunay samad pinusilan sa ulo ang biktima luyo nga giputos og cellophane ang ulo.
Gibutyag ni PCI Joel Martinez, hepe sa San Isidro Police Station, ilang gituohan nga gipalisdan ang biktima una gipatay og gilabay sa Mabuhay.
