Natapos na ang kampanya sa Gilas Pilipinas sa FIBA Asia Cup 2025 human gipildi sila sa Australia, sa iskor nga 84-60.
Sa first quarter pa lang, ang Boomers midominar na sa 29-12 sa dula nga gipahigayon sa King Abdullah Sports City sa Jeddah, Saudi Arabia.
Nakadepensa usab si world number 7 Justin Brownlee hinungdan nga naglisod usab nga makapuntos ang ilang kuponan.
Gisulayan pag-apas sa Gilas ang mga puntos apan naglisod sila ug wala makatupong sa wala pay pilde nga Boomers.
Kini ang ikatulong higayon nga napakyas ang Gilas Pilipinas nga makaabot sa semifinals sa FIBA Asia Cup human sa ilang back-to-back runner-up nga mga puwesto kaniadtong 2013 sa Manila ug 2015 nga gipahigayon sa Changsha, China.
Dako usab nga hagit sa Gilas ang pagkawala nila ni Calvin Oftana ug Cjay Perez tungod sa ankle injuries nga ilang naangkon sa miaging mga dula.
Nausik ang 17 puntos ni Kevin Quiambao, 15 puntos si Dwight Ramos ug 10 puntos si Brownlee.
