Patay ang 88-ka tawo, kauban ang onse ka mga babaye ug mga bata sa gipahigayon nga air strike sa Israel sa Northern Gaza kaniadtong Martes.
Ang nagkagrabeng panagbangi ang gikahadlok sa United Nations alang sa kaluwasan sa 100,000 ka mga Palestinian nga anaa karon sa Northern Gaza. Nabalaka usab sa mga director sa usa ka balay tambalanan ang kalisod nga tambalan ang mga na angol dugangan pa sa nag ka ubos nga health workers sa maong lugar.
Kahinumduman nga gibombahan sa Israel ang Gaza sulod sa mga semana sa pagpangita sa mga militanteng Hamas nga gikatahong nagkatibulaag sukad sa usa ka tuig sa gubat.
Sumala sa Health Ministry sa Gaza, 70 ka mga tawo ang napatay ug 23 ang gipangita pa sa lungsod sa Beit Lahiya sa Gaza.
Giakusahan sa Israel ang United Nations Relief and Works Agency for Palestine Refugees in the Near East (UNRWA) nga gigamit kuno ang pasilidad sa UN isip panagang sa ilang mga kalihokan sa mga militanteng Hamas.
Ang tigpamaba sa gobyerno sa Israel nga si David Mencer misaad nga magpadayon kini sa pagtabang sa mga naapektuhan sa Gaza.
