GENERAL SANTOS CITY – Gikumpirma ni City Director P/Col Aden Lagradante nga malampusong nakuha sa kapulisan gikan sa kamot sa mga kidnapper ang biktima sa pagpangdagit aging semana nga si Rogelio Casida nga taga Brgy Fatima ning syudad.
Kahinumduman nga sakay ang biktima sa multicab dihang gidagit sa mga armadong suspek nga nakasakay sa van sa may bahin sa Brgy Baluan ning syudad.
Matud ni Lagradante nga adunay negosasyon nga natigayon sa taga Anti-Kidnapping group Region 12 og sa mga suspek .
Sumala pa walay nadakpan nga mga suspek ang kapulisan og nakit-an na lamang matud pa ang biktima nga nagbaktas sa dalan og may samad sa paa hinungdan nga gidala sa ospital.
Dugang pa niini nga may gi- demand ang mga suspek sa pamilya sa biktima apan wala masayran kung unsa.
Gibuhian matud pa ang biktima niadtong kaadlawon niadtong Nov. 19 sa usa ka lugar sa rehiyon dose.
Gikabutyag nga ang biktima ang nalambigit matud pa ang pangalan sa KAPA.
