GENSAN- Bisan pa og na-disqualify si Christian Isaiah Lagnason sa usa sa mga swimming event apan wala mohunong ug gipadayon ang determinasyon sa Batang Pinoy 2025.
Sa interbyu sa Bombo Radyo, gibutyag sa 13 years old Gensan swimmer nga naguol siya human nadisqualify sa butterfly boys 12–13 years old event tungod sa giingong “false start”.
Apan wala nagpaapekto diin sa katibuk-an upat ka bulawang medalya ang nadag-an diin lakip niini sa 200 metros Individual Medley Mixed, 100 metros freestyle, 100 metros butterfly ug butterfly boys 12–13 years old event.
Nahatagan kini og award isip Batang Pinoy 2025 Most Outstanding Swimmer 12-13 yrs old Boys Category.
Nagpasalamat si Lagnason sa mga coach, team mates og mga supporters hinungdan nga naangkon ang kadaugan.
Samtang gipahibalo niini sunod nga gipangandaman ang usa ka international event nga matigayon sa Brunei.
