GENERAL SANTOS CITY – Gihingusgan ni Dr. Antonio Marin, department head sa City Veterinary Office nga nagpabilin nga African Swine Fever (ASF) free ang dakbayan.
Luyo nga may natala nga kaso sa ASF sa Purok San Lorenzo Ruiz, Apopong ning dakbayan apan hingpit na nga nakontrola.
Sa iyang pamahayag nga wala gipailawom sa red area nga nagpasabot nga infected zone.
Gibutyag pa niini nga gumikan sa kooperasyon sa tanan wala na naapektuhan sa ASF ang laing mga lugar sa dakbayan .
Kahibaluan nga paspas nga nakuha ang kapin sa 500 ka baboy sa Purok San Lorenzo Ruiz, nga gipailawom sa culling human nga nasuta nga infected sa ASF ang maong area.
Sa gihimo nga pagkuha og blood sample sa mga baboy gikan sa kasikbit nasuta nga nagetibo sa ASF ang resulta.
Hinoon padayon ang apila niini sa katawhan nga dili magpalusot og pork products sa dakbayan gumikan hugot nga gidili tungod kung makasulod ang ASF og daghan ang maapektuhan mahugno ang dakong kita sa hog industriya.
Kini gumikan ang GenSan ang nagpabilin nga number 1 supplier sa commercial pig sa tibook nasud.
