GENERAL SANTOS CITY – Nagdugang og usa ka checkpoint ang City Veterinary Office sa syudad aron mas mapahugtan pa ang kampanya batok sa African Swine Fever (ASF).
Matud pa kang Dr. Rex Calub sa maong buhatan nga ang ika-unom nga checkpoint ang gimontar sa Upper Labay ning syudad.
Gibutyag sa nahisgutang opisyal nga kini gumikan may report sila nga nadawat nga sa maong lugar ginaagi ang mga gipalusot nga mga processed pork products og uban pa.
Kahibaluan nga sukad nga nagkatap ang ASF sa area sa Mindanao lima ka mga checkpoints ang gimontar sa entry og exit points sa syudad.
Gikadugang pa ni Dr. Calub nga ang checkponits gumikan daghan ang buot nga magpalusot ilabi pa nga duol na sa syudad ang maong mga lugar nga apektado sa maong virus.
Kahibaluan nga ning tuiga kapin na sa 3,000 ka mga processed meats ang nakumpiska sa City Vet sa nagkadaiyang mga ASF checkpoints sa syudad.
