GENERAL SANTOS CITY – Gimando ni GenSan Mayor Ronnel Rivera kay City PNP Director Aden Lagradante nga tutukan pagmaayo ang imbestigasyon kalabotan sa pagpamusil patay sa driver sa OIC manager sa KAPA -Alabel Branch sa motorcycle riding criminals miaging adlaw.
Sa pakighinabi sa Bombo Radyo, gibutyag sa mayor nga adunay mamahimong problema sa peace and order sa Gensan nga kung asa sige og saad ang mga investment scam nga iuli sa mga investor ang ilang nabutang nga salapi.
Dili kalikayan nga ang uban himuon ang wala nasubay sa balaud aron mabawi lang ang nalugi sa scam o kaha manimalos.
Sa pamahayag sa mayor nga pipila sa mga investment scheme ang nakakuha og business permit alang sa negosyo nga trading og foreign exchange kon Forex apan dili gihapon kini balido human nga nasuta sa City Permits and Licensing Division nga lahi ang operasyon sa ilang negosyo human nga nagdawatan ug investments.
Nagpadayon ang imbestigasyon sa kapulisan kalabot sa pagpamusil, patay sa nagpangalan og Bresnev Morada 38 anyos nga taga Agan Phase 1 Brgy San isidro ning syudad aging adlaw.
Ang nasampit driver sa nagpangalan og Remily Iral, ang OIC Manager sa KAPA-Alabel Branch. Apan ang nasampit wala masayri kung asa na karon og kini usab ang gipangita sa mga otoridad.
