GENERAL SANTOS CITY – Nanghinaut si Atty. Franklin ‘Jeng’ Gacal, ang chairperson sa Committee on Transportation sa konseho ning dakbayan nga ang pagpatuman sa Oplan Ligtas at Linis Kalsada nga dili lang karon kun dili hangtud sa hangtud.
Kahibaluan nga kini gilusad kagahapon kung asa daghang mga motor og traysikel sa National Highways ang napara sa mga sakop sa City Traffic Enforcers kauban ang kapulisan dihang miagi sa inner lane sa kalsada. Hinuon wala pa gi-tikitan inay gi-warningan ang ang mga nakasupak nga motorista.
Gihagit ni Kagawad Gacal ang mga tigpatuman sa balaud nga dili lang unta sa sinugdanan lang ang pagpatuman niini.
Angayan usab nga displinado ang nagmaneho og motor og traysikel nga sa outermost lane ang gamiton nga kalsada.
Nasayran, ang Oplan Ligtas at Linis Kalsada ang gilusad sugod kagahapon sa taga LGU GenSan, kapulisan, DPWH og LTFRB.
Kalabot sa mga gabiyahe nga traysikel apan dili taga GenSan, gibutyag ni Kagawad Gacal nga nakatampo ang mga nasampit nganong gubot ang transportasyon sa syudad.
