GENERAL SANTOS CITY – Gipatuman na ang hugot nga seguridad sa Bulaong terminal atol sa pag-obserba sa Semana Santa.
Sa pakighinabi sa Bombo Radyo gibutyag ni Jong Facurib, terminal administrator sa dakbayan nga han-ay na ang security measures alayun sa gilaumang pagdagsa sa mga sumasakay karong Holy Week kung asa gilauman nga anaa sa 12 mil ka pasahero ang modagsa sa city public terminal.
Gibutyag niini, karong adlawa gilaumang anam -anam ng mudagsa ang mga pasahero. Kini ilabina nga gideklara sa palasyo sa malakanyang ang half day work lang karong adlawa sa mga trabaho sa gobyerno og klase.
Sa pamahayag ni Facurib nga sugod ugma, adlaw nga Huwebes, magdagsa ang mas daghang pasahero.
Apan gibutyag niini nga walay biyahe ang Yellow Bus Line Incorporate ug Husky Bus Company sa Biyernes Santo apan magpabiling adunay biyahe tibuok Semana Santa ang Mindanao Star.
Nagpahimangno na lamang usab si Facurib ngadto sa mga pasahero nga dili makigtransaksiyon sa mga wala naka-uniporme ug walay ID sulod sa Bulaong terminal.
