GENERAL SANTOS CITY – All set na ang vaccination plan sa syudad sa Heneral Santos alang sa matigayon nga pagbakuna sa katawhan batok sa COVID 19.
Matud pa kang City Mayor Ronel Rivera nga gikatakda usab nga ipahigayon ang simulation o pagpraktis oras nga muabot ang bakuna sa dakbayan.
Sa pamahayag pa ni Mayor Rivera nga Astrazeneca og Novavax ang paliton sa syudad alang sa 300,000 ka mga residente.
Gikadugang pa ni Mayor Rivera nga adunay vaccine nga ihatag ang national government sa syudad.
Gihulat pa kini sa syudad gumikan adunay committment si vaccine czar Carlito Galvez nga hatagan ang dakbyan og bakuna.
Wala pa usab sa nasayran sa syudad kung unsa ang matang sa bakuna ang makaabot sa dakbayan gikan sa national government.
Kahibaluan nga kagahapong adlawa nagsugod na ang pagbakuna sa nasud batok sa COVID 19 kung asa gigamit ang Sinovac nga gigama sa China.
