GENERAL SANTOS CITY – Nagpahigayon ug inspection sa mga tindahan nga nagbaligya ug pabuto si PB/General Arnold Ardiente , Officer-In-Charge sa Police Regional Office 12 aron masusi ang mga pwesto nga namaligya ug firecracker ug pyrotechnic sa Koronadal City, South Cotabato, Purok 6, Lanao, Kidapawan City , Tacurong Public Terminal sa New Isabela Tacurong City lakip na sa flea market sa Oval Plaza ning syudad.
Tumong nga mapatuman ang estrikto nga pagsunod sa safety regulations ug pagsunod sa legal nga pagbaligya sa mga firecracker atul sa gapasulod nga bag-ong tuig.
Matud ni Ardiente ang importante nga kumpiyansa ang mga mamalitay sa naasoy nga produkto sa pagtuman sa mga patakaran hilabi pa ang pagpabuto aron malayo sa disgrasya.
Segun sa opisyal nga dili lamang ganansya ang ginatotokan sa mga namaligya lakip ang kinabuhi ug propedad samtang gipatuman ang incident free nga selebrasyon.
Gipasalig sa opisyal nga andam magresponde ang kapulisan sa unsa mang emergency samtang nagpahinumdum nga ang pagsunod sa regulasyon ang paglikay sa unsa mang disgrasya.
