GENERAL SANTOS CITY– Kustodiya na karon sa 73rd Infantry Batallion (IB) sa Philippine Army ang usa ka garan ug ubang mga kagamitan nga aksidente nga nadiskobre sa tropa sa kabukirang bahin sa Malapatan sa Sarangani Province.
Kahibaluan nga dihang gipangita sa tropa ni 2Lt. James Mark Diwag ang nanagan ug nahabiling 6 ka New People’s Army (NPA) sa sa kabukirang bahin sa Sitio Kadlom, Brgy. Upper Suyan Malapatan nadiskobre ang usa ka armas nga garan nga adunay 5 ka bala sa 30 caliber, 4 kabu-ok dextrose liquid ug pipila ka mga dokumento sa NPA nga nakasulod o nakabutang sa usa ka bag nga gitago sa punoan sa kahoy.
Sa mensahe ni Lt. Col. Reynaldo Valdez- Batallion Commander sa 73rd IB, gikanayon niini nga importante gayud ang kasundalohan nga magtuyok o magpatrolya sa mga kabukiran ilang area of responsibility para adunay magbantay sa katawhan nga dili ma-recuit ug ma-agni sa mga rebelde nga mo-anib sa NPA.
