GENERAL SANTOS CITY– Nangayo ug pagsabot si Gensan Mayor Ronnel Rivera sa tanan nga tawo nga buot musulod sa dakbayan nga dili una ihinayon ang biyahe kung dili essential tungod dili makasulod tungod adunay gipatuman nga lockdown ang syudad.
Pagbutyag niini nga kadto lamang tugutan nga makasulod ang nakalatid sa section 2 sa Excutive Order # 42 kung asa mga frontliner ug essential worker lamang ang makaagi sa boarder checkpoint.
Usa sa rason niini nga daghan ang nagpositibo sa coronavirus disease sa silingan nga probinsya.
Gikadugang pa sa Mayor nga nabalaka sa kasamtangang sitwasyon tungod napuno na ang mga espasyo sa hospital nga gitagana alang sa mga pasyente nga adunay COVID 19.
Gipaklaro ni Mayor Rivera nga ania sa dakbayan gidala ang mga nagka COVID gikan sa silingan nga probinsya ang Sultan Kudarat, Sarangani ug sa Polomolok South Cotabato.
Sa kasamtangan usa ka hospital na lamang ang adunay bakante tungod ang ubang hospital sa miaging semana pa miundang sa pagdawatan ug COVID patient.
