GENSAN-Wala nay hurisdiksiyon ang ICC sa Pilipinas hinungdan nga sumala pa ni Retired Judge Lorenzo Balo nga malisod kay kanhi Pres. Rodrigo Duterte ang makakuha og interim release gikan sa ICC.
Ang reaksyon ni Balo human ang nahimong pahayag sa Palasyo sa Malakanyang nga dili matod pa dawaton si FPRRD sa Pilipinas ugaling ibalik siya sa ICC.
Gibutyag ni Balo, gihimo karon sa kampo ni Duterte ang tanan para sa interim release apan ang problema kung dili usab mag-comply ang gobyerno sa Pilipinas sa mga protocols kini sa rason nga mikalas na ang Pilipinas sa ICC.
Adunay posibleng mga kausaban kabahin sa isyu sa interim release ugaling matod pa mubalik ang Pilipinas nga mahimong miyembro sa ICC.
Sumala ni Retired Judge Balo nga ang gitawag nga interim release didto sa ICC ang katugbang niini mao ang gitawag nga provisional liberty kon temporaryong kagawasan og dili pinal nga resolusyon sa usa ka kaso.
Dugang ni Balo nga mahimong gawasnon lang ang kanhi Pangulo og mahimong makabalik sa Pilipinas kung mabasura an kaso niini sa ICC sa The Netherlands.
