GENSAN – Nagkomento si City Mayor Lorelie Pacquiao kabahin sa pahayag sa kontrobersyal nga internet personality nga si Francis Leo Marcos, nailhan usab nga Norman Mangusin bahin kang kanhi Senator Manny Pacquiao nga adunay utang kaniya nga $30 milyon.
Matud sa mayor nga murag imposible nga makautang ang Pinoy boxing icon og gani siya pa ang gina-utangan.
Bahin niini, gimandoan matod pa karon ni Manny ang iyang mga abogado nga mopasaka og mga kaso batok kang Francis Leo Marcos tungod ang iyang gihimo pulos mga bakak ug insulto nga mga pasangil kung asa giapil-apil pa ang iyang inahan nga si Dionisia Pacquiao nga klaro nga nakapasuko sa kanhi boxing champion.
Gipahibalo ni Pacquiao ang giplano nga legal nga aksyon atol sa usa ka interbyu sa content creator.
