Nadelatar ang pag-abot sa Indiana Pacers sa Oklahoma City tungod sa maut nga panahon.
Makasaysayon ang ilang dula tungod human ang 25 ka tuig nga paghulat, subling makabalik sila sa NBA Finals.
Samtang anaa sa kawanangan ang eroplano sa Pacers, naghatag og alerto ang mga eksperto kabahin sa paabutay nga buhawi, grabeng pag-ulan, og pagbaha sa Oklahoma City og mga kasikbit nga lugar.
Usa ka buhawi usab ang nakita sa Norman, Oklahoma, nga anaa sa kapin o kulang 20 milya gikan sa Oklahoma City, apan wala gilayon natumbok kung muigo kini o nagresulta og kadaut.
Tungod sa maut nga panahon, nalihis ang flight sa Pacers paingon sa Tulsa, Oklahoma, kung asa sila nag-refuel una mubalik sa ilang destinasyon.
Ang Finals media day, gikatakda sa Paycom Center, samtang mag-atbang ang Indiana Pacers og Oklahoma City Thunder sa Game 1 sa serye sa Biyernes.
