General Santos City | Ipahigayon karong adlawa, Mayo 4 ang final testing and sealing sa vote counting machines kon VCMs sa dakbayan.
Matud pa ni Atty. Sittie Sharmaine Garangan, city comelec officer nga dungan nga himoon ang final testing and sealing sa VCMs. Ang tumong niini aron nga masayran kung operational o dili ang VCMs.
Atol sa maong aktibidad anaa ang presensya sa mga watchers, publiko og representante sa matag partido.
Una niini gibutyag ni Comelec Commissioner George Garcia nga kada presinto ang mugamit og 10 ka original ballots alang sa May 9 elections.
Giawhag niini ang mga volunteers sa final testing nga sulayan ang undervote o overvote, og dili tama nga pagshade sa balota kung unsa ang resulta.
Ang VCMs ang i-selyo sa atubangan sa mga testigo og ilang pirmahan. Mahimo lamang nga ablihan atol sa adlaw mismo sa election.
