Nagresign na ang Chief People Officer sa US tech firm nga Astronomer human nasakpan sa viral video sa iyang paggakos sa CEO sa kompanya sa Coldplay concert.
Gikumpirma sa Astronomer nga si Kristin Cabot ang wala na sa kompanya. Ang kanhi CEO nga si Andy Byron mi-resign ug una human sa imbestigasyon sa insidente.
Wala pa opisyal nga nakumpirma kung sila ba ang mga tao sa video, apan ang US media nag-ila kanila nga mga kauban sa opisina sa viral clip.
Sa video, makita ang usa ka lalaki ug babaye nga naggakos samtang nagtugtog ang banda. Sa dihang nasakpan sa kiss camera ang duha, daling nagbulag ug nagtago dayon sila.
Ang frontman sa Coldplay nga si Chris Martin nagkomedya nga miingon, “Either they’re having an affair, or they’re just very shy.”
Human ang video nakakuha og minilyon nga mga views ug nahimong hisgutanan sa mga meme ug mga salida sa TV, ang Astronomer mipagawas dayon og pahayag nga nag-ingon nga sila mag-imbestiga sa maong insidente.
Sa ulahi gipahibalo sa kompanya ang pagresign ni Byron. Ang co-founder sa Astronomer ug chief product officer nga si Pete DeJoy temporaryong gi-appoint nga CEO.
Siya miingon nga ang kompanya nahimong usa ka “household name” sa wala damha nga mga paagi, ug magpadayon sa iyang misyon sa natad sa datos ug artificial intelligence.
