Gibalewala lamang ni kanhi Pangulong Rodrigo Duterte ang pahayag sa iyang anak nga si Vice President Sara Duterte nga magpapili sa pagka-senador sa 2025.
Kini tungod gawas sa kanhi pangulo, giapil pa sa Vice President ang duha ka igsuon niini nga silang Davao City Mayor Sebastian “Baste” Duterte ug Davao City First District Representative Paolo Duterte nga sigurado ang pagpapili sa pagkasenador sa musunod nga tuig.
Gibutyag sa kanhi pangulo na dili tuohan ang gisulti sa anak nga si VP Sara tungod wala pa silay desisyon.
Dugang pa niini nga wala usab siya ginakonsulta sa anak nga si Vice President Sara dihang kini miluwat sa iyang puwesto isip kalihim sa Department of Education.
Itugyan na lamang niya sa Kahitas-an ang kapalaran niini sa piniliay.
