Misurender na sa National Bureau of Investigation (NBI) si kanhi Palawan Governor Joel Reyes.
Si Reyes maoy nagpaluyo sa pagpatay sa broadcast journalist nga si Gerry Ortega niadtong 2011.
Gikompirma sa Presidential Task Force on Media Security (PTFoMS) ang pagsurender ni Reyes.
Ang broadcast journalist usa ka ilado nga kritiko sa gobyerno batok sa korapsyon sa panahon ni Reyes.
Sa miaging tuig ang Regional Trial Court sa Puerto Princesa nag-isyu og warrant of arrest batok kang Reyes.
Gipirmahan ni Palawan RTC Branch 52 Presiding Judge Angelo Arizala ang warrant of arrest niadtong Hulyo 20, 2023 human ang Supreme Court first division nagpagawas sa ilang hukom niadtong Marso 29, 2023 nga nag-require sa pagdakop kang Reyes alang sa pagpadayon sa pagdungog sa iyang kasong pagpatay.
