Gianunsyo sa South District ng Florida sa United States ang pagduot kang kanhi Commission on Elections (Comelec) chairperson Andy Bautista og tulo ka mga opisyal sa Smartmatic.
Gikasuhan sa federal grand jury sa Southern District sa Florida si Bautista kauban silang Smartmatic President Roger Alejandro Piñate Martinez, kanhi general manager sa Smartmatic Philippines Elie Moreno, og ang lider sa Smartmatic sa Taiwan nga si Jose Miguez Vasquez.
Sumala sa US Department of Justice, ang mga kaso alang sa matod pa bribery og money laundering scheme aaron mapabilin og makakuha og negosyong nalambigit sa 2016 elections.
Base sa reklamo, tali sa tuig 2015 og 2018, si Piñate, nga usa ka Venezuelan og si Vasquez, kauban ang uban pa, naghatag matod pa og dili muobos sa $1 million o P58 million nga suhol aron ibayad kang Bautista.
Ang maong mga suhol gikanayong gibayaran aron makakuha og mapabilin ang negosyo nga adunay kalabotan sa paghatag ug mga makina sa pagboto og mga serbisyo sa eleksyon alang sa 2016 polls og aron masiguro ang mga pagbayad sa mga kontrata.
Ang mga pagbayad sa suhol gidudahan nga miagi sa mga slush fund og sakop sa mga anomalosong kontrata og mga kasabotan sa pautang, nga misakop sa money laundering sa mga bank account nga makita sa Asia, Europe, og Amerika, lakip sa South District sa Florida.
Silang Bautista, Piñate, Vasquez, og Moreno gikasuhan og usa ka ihap sa conspiracy to commit money laundering og tulo ka ihap sa international laundering of monetary instruments.
Niadtong Setyembre sa nakalabay nga tuig, gikasuhan sa Department of Homeland Security and Investigations si Bautista alang sa conspiracy.
Sa misunod nga bulan, gihangyo sa gobyerno sa US sa Comelec nga maghatag og mga dokumento alang sa kaso batok kang Bautista nga miatubang kaniadton sa mga pagsupak sa mga akusasyon sa Foreign Corrupt Practices Act.
Samtang, kanhi nang gidiskwalipika sa Comelec ang Smartmatic, ang kanhi provider sa vote-counting machines sa nasud sukad sa pag-apil sa bidding alang sa 2025 midterm elections aron panalipdan ang integridad sa piniliay sa nasud.
Gidumalahan sa poll service provider ang eleksyon sa Pilipinas nga gipahigayon tali sa tuig 2010 og 2022.
