Padayong gipangita sa mga otoridad ang gihimutangan sa eroplano nga sakay kang Vice-President Saulos Chilima sa Malawi ug lain pang siyam katawo human nga kini gireport nga nawala.
Sumala sa Malawi Defense Force, nga kalit na lamang nawala sa ilang radar ang maong eroplano.
Gikan kini sa Lilongwe ang capital sa nasud ug takda unta nga mutugpa sa Mzuzu International Airport dihang mareport nga nawala.
Naglusad na sila ug search and rescue operation sa gihimutangan sa maong eroplano.
Human nareport ang balita gikansela na usab ni Malawian President Lazarus Chakwera ang iyang biyahe paingon sa Bahamas.
Kaniadtong 2022 giaresto si Dr. Chilima tungod sa kasong pagdawatan matod pa ug salapi bugti ang pag-award niini og kontrata sa gobyerno apan sa milabay nga bulan gibasura ang kaso.
Una nahimong vice president sa Malawi ang 51-anyos nga si Chilima mihupot kini ug mga taas nga puwesto sa multinational companies sama sa Unilever ug Coca Cola.
