-- ADVERTISEMENT --
Miulbo ang bag-ong tensyon sa Middle East human giatake sa Israel ang dagkong lugar sa sentro sa Beirut ug ubang bahin sa Lebanon bisan wala’y pasidaan, pipila ka oras human sa gipahibalo nga ceasefire tali sa US ug Iran.
Giingon sa Israel nga ilang target ang mga puwersa sa Hezbollah. Pero gi-report sa Lebanon nga dosena ang namatay ug gatusan ang samaran, ug daghang sibilyan ang naapektuhan.
Nagpabilin karon ang kahadlok ug kagubot samtang padayon ang mga airstrike ug evacuation sa mga apektadong lugar.
Miingon ang mga awtoridad sa Lebanon nga grabe ang kakulang sa kapasidad sa mga ospital tungod sa padayon nga pagdagsa sa mga samaran, samtang nagpadayon ang panawagan sa kalinaw gikan sa international community.
