GENERAL SANTOS CITY – Nagpagawas na gayud ug Executive Order si Gensan Mayor Ronnel Rivera kalabutan sa mas gipaluag nga protocol luyo sa padayong nasinatian nga COVID 19.
Base sa EO number 10 ni Mayor Rivera ang ang mamauli sa dakbayan gikan sa kauluhan ang dili na i quarantine pa apan gipaklaro nga dili pwede tagbuon ang mga nasampit sa airport sa ilang pamilya inay ang mga taga barangay kung asa nagpuyo ang mga nahisgutan .
Samtang kadtong mga taga laing probinsya o syudad nga muagi sa dakbayan ang kinahanglan gayud nga ilang tagbuon dinhi sa syudad ug angayan nga ihatud sa ilang gipuy-an ug monitoron ang kahimtang lakip sa mga kauban sa panimalay sulod sa 14 ka adlaw.
Kung may sintomas dad-on gilayon sa Barangay Isolation Unit kon BIU ang mga nasampit. Hinoon magpabilin ang patakaran nga angayan magpakita ang mga mamauli ug negatibong resulta sa RT -PCR Test sulod sa 72 ka oras.
Ang mga Authorized person outside of residence kon APOR sa national government agencies kinahanglan may travel order, travel itirenary,ID og magpailawom sa sypmtoms screening pag-abot sa airport o kaha pantalan.
Angayang rehistrado sa TAPAT QR code ang tanan mga biyahero.
