GENERAL SANTOS CITY – Dili magpatarog ang LGU Gensan sa panawagan sa Konseho nga i revoked ang Executive Order Number One nga nagtugot sa pagpasulod sa mga baboy gikan sa mga gikonsidera nga red ug pink zones kon mga lugar nga adunay african swine fever.
Kini human gibutyag ni Konsehal Dominador Lagare Jr. nga dili bawi-on ni Mayor Lorelie Pacquiao ang gipagawas nga Executive Order number One. Matud niini nga gi estudyuhan ang maong kamandu-an sukwahi sa City Ordinance number 23 nga nag ban sa pagpasulod sa mga baboy gikan sa mga african swine fever infected areas.
Gikadugang ni Lagare nga dili iya sa Mayor ang kabubot-on aron sa pagpagawas sa maong kamandu-an apan iya sa swine producer human mihangyo ang nahisgutang mga negosyante nga pasudlon sa syudad ang mga baboy nga gikan sa Banga, South Cotabato ug mga silingan nga lugar nga adunay kaso s a ASF.
Gikadugang ni Lagare nga muagi lamang ang mga baboy apan dili muhunong aron sa paglikay nga dili makatakod kung aduna sa mga backyard producer.
Ang Gensan ang usa sa top producer sa buhing baboy tungod nagapagawas kini ug 15,000 ka mga baboy matag duha ka semana alang sa metro Manila ug lain pang lugar.
