GENERAL SANTOS CITY – Anaa sa 99.5% ang enrollment sa school year 2020- 2021 ning tuiga sa pampubliko og pribadong mga tulunghaan sa nasud.
Matud pa ni Dr. Rommel Flores, GenSan Deped Superintendent nga kung basehan ang miaging tulo ka tuig nga enrollement nagpasalamat sila gumikan daghan gihapon ang nagpa-enroll bisag may pandemnya.
Sa school year 2018 to 2019 anaa sa 174, 133 ang enrollment samtang sa 2019 to 2002 ang anaa sa 178,834 og school year 2020 -2021 mukabat sa 178,018.
Sa pamahayag ni Flores nga sa miaging Nobyembre 20, 2020 ang ulahing enrollemt nga gikatakda sa Deped human nag-abli ang klase sa kaniadtong Oktobre 5, 2020.
Hinoon iyang gipaklaro nga sa mga public schools mitaas ang enrollement og 5.21% o 7, 685.
Samtang sa mga pribadong mga tulunghaan mikunhod og 73% o 8,501 ka mga estudyante ang wala nag-enroll.
Kasagaran sa mga rason nganong mibalhin sa mga pampublikong mga tulunghaan gumikan sa kalisod nga nasinatian tungod sa pandemnya og adunay mga private schools ang nanirado.
Giangkon ni Flores sa miaging Agosto una ang pag-abli sa klase gikulbaan siya basin mugamay ang enrollment gumikan daghan sa mga ginikanan ang nagduha-duha nga paeskwelahon ang mga bata.
