Gitambagan sa Philippine Embassy sa Qatar ang mga Filipino nga nagpuyo ug nagtrabaho sa Qatar nga mangita og kapasilongan sa luwas nga mga lugar human giatake sa Iran ang base militar sa US sa nasud.
Ang embahada nagpagawas sa tawag karong buntag ug miingon nga ang mga Pilipino kinahanglan mangita ug kapasilongan hangtod sa dugang nga pahibalo.
Giawhag usab niini ang tanan nga hatagan ug pagtagad ang mga balita aron magpabiling updated sa mga advisory gikan sa lokal nga awtoridad ug sa ilang Embahada.
Ang Embahada sa Pilipinas sa Qatar mitaho nga walay kaswalti o pagkaangol ang gitaho human sa pag-atake sa Iran.
Gipasalig usab sa mga awtoridad sa Qatar nga andam sila nga atubangon ang bisan unsang hulga sa seguridad sa nasud ug sa mga residente niini.
Mas maayo usab nga alerto ug kalmado niining panahona.
