GENERAL SANTOS CITY – Gihingusgan ni Dr. Antonio Marin, department head sa City Veterinary Office nga ang early detection ang usa ka maayong pamaagi aron makontrola ang pagkatag sa African Swine Fever (ASF).
Matud pa ni Dr. Marin nga kini ang rason nganong ilang gikuha gilayon ang mga bunihing baboy sa Purok San Lorenzo Ruiz, Apopong human nga nakumpirma nga positibo sa ASF ang nakuha nga blood samples.
Samtang sa miaging adlaw gibalikan sa mga personahe sa City Vet ang mga tangkal sa baboy ilabi ang ground zero nga may natala nga kaso alang sa disinfection.
Sa pamahayag ni Dr. Marin nga kini aron nga masiguro nga mapatay ang virus og dili muadto sa laing mga lugar.
Samtang nagkuha na sila og random blood samples sa mga baboy sa mga kasikbit nga lugar sa Purok San Lorenzo Ruiz aron masayran kung infected sa ASF o dili.
