Nakasulod sa ikaduhang round sa ‘women’s tennis doubles’ sila Pinay tennis star Alex Eala ug Shaira Rivera sa nagpadayong 20th Asian Games sa Aichi-Nagoya, Japan.
Gipildi sa duha ang mga pambato sa Hong Kong nga sila Lai Ching Laam ug Liu Kallista sa iskor nga 6-1, 6-3.
Sa unang set, gidominar nina Eala ang dula, samtang sa ikaduhang set misulay paggukod sa iskor ang mga pambato sa Hong Kong apan mipatigbabaw gihapon ang kusog sa mga Pinay.
Ikaduhang sunod-sunod na usab kini nga kadaugan sa women’s doubles sa Pilipinas human midaog sila Tenny Madis ug Stefi Aludo batok kang Anjali Junarto ug Meydiana Reinnamah sa iskor nga 6-3, 7-6(4) niadtong Lunes.
Sa sunod nga round, mag-atubang sila Eala ug Rivera kang Xinyu Jiang ug Zhaoxuan Yang sa China.
