GENERAL SANTOS CITY – Duha ka pagpamusil ang natigayon sa managlahing lugar sa dakbayan kagahapon kung asa padayon pang giimbestigahan sa kapulisan.
Unang shooting incident nahitabo alas 9:48 sa buntag sa usa ka construction site sa Bulaong Avenue Brgy. Dadiangas West ning syudad.
Giila ang biktima nga si Benjie Umpak, hamtong, laborer nga taga Lun Padidu, Malapatan, Sarangani.
Nakaangkon ang biktima og samad pinusilan sa wala nga bahin sa tiyan.
Sa inisyal nga imbestigasyon, samtang nagatrabaho gawas sa construction site ang biktima kauban sa katrabaho kalit na lang sila nakadungog og buto.
Nakit-an na lang si Umpak nga natumba og nagkadugo na hinungdan nga gidala sa ospital.
Ang ikaduha nga pagpamusil ang natigayon pasado alas 6:00 kagabie sa Purok 5, Sitio Intake, Brgy. Mabuhay.
Ang biktima ang nailhan nga si Demar Santos, 37 anyos, manager sa Global Dynamic Security Agency nga taga Purok Kaunlaran, Aquinoville, Brgy San. Isidro.
