GENERAL SANTOS CITY – Gibutyag ni Department of Labor and Employment (DOLE-12) Regional Director Sisinio B. Cano nga sa epektibo sa Mayo 11 ang pagpatuman sa dugang sweldo sa mga empleyado sa Rehiyon-12.
Matud pa niini, kini base sa giaprubahang wage order sa Regional Tripartite Wages and Productivity Board 12.
Sa iyang pamahayag, P16 hangtud P18 ang usbaw sa inadlaw nga suweldo sa mga pribadong sektor.
Hinungdan nga mamahimong P311 na ang daily rate sa mga empleyado nga anaa sa industrial o non agricultural sector human gidugangan ug P16.
Pagadawaton usab ang inadlaw nga P290 ang mga nagtrabaho sa agricultural sector, retail ug service establishment human gidugangan ang ilang kinitaan ug P18.
Kalabutan niini, gipasiguro ni Cano nga adunay mga labor inspectors nga mususi sa mga kompanya aron mahibaluan kung gisunod ang bag-o nga wage order kung mapatuman na kini sa Mayo 11.
Samtang gibutyag ni Dir. Canon nga nagma-lampuson ang job and livelihood fair kagahapon sa usa ka mall dinhi sa dakbayan alayun sa 116th celebration sa Labor Day.
Nag-unang dinapit nga bisita si Engr. Mariano Aquiza ang Asec. sa DOLE.
Dul-an 6,000 ka mga bakanteng trabaho ang gitanyag gikan sa halos 100 ka mga local employers og kapin sa 10 ang mga overseas employers.
