Walay namonitor nga hulga ang Bureau of Jail Management and Penology kon human ibalhin sa Philippine General Hospital o PGH si kanhi House Speaker Martin Romualdez alang sa independent medical assessment.Matud ni BJMP spokesperson Jail Superintendent Jayrex Bustinera, andam ang ilang personnel ug mga sakyanan sa bisan unsang posibleng insidente ug makigtambayayong usab sa PNP ug lokal nga kapulisan.Nag-deploy usab og dugang security personnel sa PGH tungod sa mga naunang insidente sa pag-ikyas sa mga PDL.Gibalhin si Romualdez sa PGH gikan sa Cardinal Santos Medical Center niadtong Sabado aron masuta kung kinahanglan ba siyang i-confine tungod sa iyang kahimtang sa panglawas.Kung dili siya kinahanglan i-confine, posibleng dad-on siya sa Quezon City Jail aron dili bilangguon samtang nagpadayon ang kaso batok kaniya. Si Romualdez naospital gumikan sa cardiovascular condition, lakip ang problema sa kasingkasing ug blood pressure.
