GENERAL SANTOS CITY – Sugod karong adlawa magpa usbaw na sa pamasahe ang mga pampublikong jeep dinhi sa may dakbayan sa Heneral Santos.
Sumala pa kang Robert Cang ang Presidente sa Lagao Drivers Operators Transport Cooperative kon Lado Transco nga kini base sa kamanduan sa Land Transportation Franchising and Regulatory Board kon LTFRB nga usbawan ang pamasahe dili lamang sa kauluhan apan sa tibuok Pilipinas.
Sumala pa ni Kang nga didto sa kauluhan nagpetisyon alang sa dugang pamasahe apan sa desisyon nga gipagawas sa LTFRB nga gihimo na sa tibuok Pilipinas.
Kini gumikan sa padayon nga pagtaas sa produktong petrolyo.
Sa iyang pamahayag nga ang umento sa pamasahe alang kini sa minimun fare kung asa wala nay kamanduan nga gipagawas ang LTFRB nga dugang pamasahe alang sa succeeding kilometers.
Gumikan niini ang pamasahe sa multicab gikan sa P9 mahimo ng P11 samtang sa electric jeep gikan sa P11 nga minimum fare mahimo ng P13 samtang sa bahin sa mini bus nga aircon gikan sa P13 mahimo na nga P15.
