GENERAL SANTOS CITY – Subli nga manghatag ug educational cash aid ang taga DSWD karong adlawa sa nagkalain laing venue sa mga pinili nga lugar sa rehiyon dose.
Matud ni Dennis Dominggo sa DSWD 12 nga upat ka Barangay sa Dakbayan ang ilang adtu-an alang sa pay out.
Kini ang mga Barangay sa Upper Labay, Batomelong, Tinagacan ug Katangawan.
Matud ni Dominggo nga mukabat lamang sa 1,798 ka Benepisyaryo ang naa sa ilang talaan nga mudawat sa cash aid.
Subli nga gibutyag niini nga kadtong walay nadawat nga text confirmation dili na muadto pas a upat ka Barangay tungod dili gihapon maatiman hinuon adunay mga drop box sa mga lugar nga didto pwedi ihulog ang mga papeles alang niadtong buot makaapas sa programa.
Sugod matud pa alas otso sa buntag ang pagpanghatag sa cash aid apan kung sayu nga mahuman gilayon sila mga mupahawa sa lugar.
Ang pagpanghatag sa educational cash asistance ang kutob pa sa Septembre 24 niining tuiga.
Hinuon sulod semana magpagawas na usab sila sa mga lugar sa syudad nga venue sa pay out.
Gawas sa gensan may pagpanghatag gihapon sa uban nga munisipyo nga sakop gihapon sa rehiyon dose.
