Gipahibalo ni Social Welfare and Development Secretary Rex Gatchalian ang hugot nga pasalig sa gobyerno sa hingpit nga pagtapos sa child labor sa nasud. Sa paghandum sa World Day Against Child Labor karong Hunyo 12, si Gatchalian niingon nga ang child labor naghikaw sa matag bata sa ilang kagawasan, inosente, ug katungod.
Siya miingon nga importante alang sa tibuok katilingban nga magtinabangay sa pagsukol niini pinaagi sa paghimo og mga balaod, paghatag og social assistance, ug pagtabang sa mga pamilya nga makakita og disenteng trabaho.
Nasayran nga ubos sa SHIELD program sa DSWD, ang ahensiya nakaabag sa kapin 12,000 ka mga child laborers gikan niadtong 2021 hangtod 2024, diin 4,000 niini ang nabalik sa ilang pamilya ug komunidad.
Ang DSWD padayon usab nga nakig-alayon sa ubang ahensya sa paghatag ug mga programa nga nagtumong sa paghatag ug paglaom.
Ingon man ang dignidad sa mga bata ug pagsiguro sa ilang edukasyon, nga dili mapaubos sa child labor
