Mopadala ang Department of Social Welfare and Development (DSWD) og dugang 14,000 ka family food packs sa probinsya sa Batanes nga naapektuhan karon sa bagyong Leon.
Sa DSWD Media forum nga gipahigayon niadtong Oktubre 31 (Huwebes), si Irish Flor Yaranon, Chief Administrative Officer sa National Resource and Logistics Management Bureau niingon nga sa sayo pa kapin sa 5,500 ka food packs ang gikarga sa barko sa Coast Guard ug ihatod gikan sa Pangasinan paingon sa Batanes.
Matod ni Yaranon, dugang niini, gipalihok na ang DSWD Cagayan Field Office nga magpadala ug dugang food packs hangtod nga maabot ang target nga 14,000 ka FFPs.
Kalabot niini, nakig-alayon usab ang DSWD sa Office of Civil Defense alang sa panginahanglan niini sa air assets nga makatabang alang sa dali nga paghatod sa relief packs.
Sa pagkakaron, adunay 1,658 ka food packs nga gipreposisyon sa Batanes.
Sa laing bahin, gipasalig sa DSWD nga mahatagan og hinabang ang mga pamilya nga naapektuhan sa bagyong Leon
