GENERAL SANTOS CITY – Wala nagdugay sa ospital nakabsan sa kinabuhi ang driver sa topdown nga nakabangga sa forward truck sa national highway sa Silway 7 , Polomolok, South Cotabato sa miaging nga adlaw.
Gikumpirma ni Rolly Odal nga samtang anaa sa ospital ang iyang igsoon wala na nagdugay og nakabsan sa kinabuhi gumikan sa internal hemorrhage.
Kahibaluan nga nalagpot ang biktima sa iyang gimanehuan nga topdown kung asa buak ang helmet niini.
Gibutyag nga padulong sa Tupi, South Cotabato si Odal karga ang mga isda sa dihang nahitabo ang aksidente.
Nagbuto ang tire sa unahang bahin sa topdown hinungdan nawad-an og kontrol nga nagresulta nabanggaan ang forward truck.
Andam nga muhatag og hinabang ang driver sa forward truck nga si Joan Britanya sa pamilya sa namatay.
Dili na magpasaka og kaso ang pamilya gumikan nadawat nila ang sitwasyon nga nanukad ang tanan sa pagbuto sa ligid sa topdown nga gimanehuan sa biktima.
