Gipagawas na sa detention si kanhi Public Works and Highways o DPWH Secretary Manuel Bonoan human gimando sa Sandiganbayan ang iyang pag-release.
Matud sa Philippine National Police o PNP, na-delay ang pagpagawas kang Bonoan tungod kay ulahi nang nadawat sa Criminal Investigation and Detection Group o CIDG-National Capital Region ang release order gikan sa korte.
Sa wala pa siya gipagawas, nagkuha pa ang mga awtoridad og certification gikan sa Sandiganbayan aron mapamatud-an nga wala na siyay lain pang pending nga kaso.
Samtang, nahinumdoman nga una nang gibasura sa Sandiganbayan Fifth Division ang paglakip kang Bonoan isip akusado sa mga kasong plunder ug graft kauban si Senator Jinggoy Estrada.
Niadtong Mayo usab, gipasakaan og kaso sa Ombudsman si Bonoan ug uban pang mga indibidwal nga giingong nalambigit sa pagkuha og kapin P500 milyon nga kickback nga may kalabotan sa mga flood control projects.
