Gipanghimakak ni Tourism Secretary Christina Frasco ang mga pasangil nga gigamit niya ang mga kampanya sa turismo ug mga hapin sa magasin para sa iyang kaugalingong promosyon.
Sumala ni Frasco, ang iyang pagka-visibility isip hepe sa DOT kay para sa aktibong presensya sa mga proyekto, dili para sa personal nga exposure. Giklaro niya nga ang mga hapin sa pipila ka magasin sa Pilipinas wala niya gitugutan ug wala gipondohan sa gobyerno; kini kabahin lang sa Philippine Experience Program nga nagpasiugda sa mga komunidad ug kultura sa nasud.
Matod niya nga ang pagpakita sa iyang nawong sa website sa DOT ug social media tungod sa pagreport sa mga kalihokan sa ahensya, dili sa kaugalingong promosyon. Matod niya nga ang DOT naka-focus sa mandato niini, nga mao ang pagpalambo sa panginabuhian, pagpalig-on sa mga destinasyon, ug pagpalambo sa turismo para sa minilyon nga mga Pilipino.
